茶屋町 (長沙灣道) (已結業)

深水埗出名多好嘢食，今日同朋友經過一間日式餐廳，望落環境都幾舒服，價錢又幾公道，就一於入去試吓。餐廳係掃QR code落單，都幾先進。汁燒鰻魚丼原條鰻魚都厚身，啖啖鰻魚肉，超級滿足。汁燒得啱啱好，好入味。加上芝麻同埋紫菜，增加層次感。仲有一碗牛肉小菜，都有成5-6粒牛肉粒，好抵食。照燒雞扒烏冬上菜的時候，首先能夠聞到非常香的鰹魚味，先試一口湯，湯頭非常之濃厚，不會太鹹，配烏冬吃非常可口。 烏冬烹調的熟度剛剛好，咬下去堅韌有小小彈牙，不會煮得太淋。 照燒雞的醬汁很香，而且還有少少的焦香味，雞扒嫩滑多汁，配著烏冬食，很美味～炸南瓜薯餅$24有4好大塊嘅南瓜薯餅，南瓜味都幾濃，個蓉好creamy，2-4個人食啱啱好，配埋沙律醬更好味。餐廳仲有好多好吸引同埋優惠嘅甜品，不過我哋實在太飽，下次再試。整體而言，今晚食嘅嘢都幾好味又抵食。