L Place Cafe (已結業)

難得今日收早，約咗朋友一齊去佢公司附近食餐飯。估唔到深水埗都有一間好外國裝修嘅西式餐廳。餐牌上面嘅菜式唔係太多，但樣樣都好吸引。我同朋友一人揀一樣，share黎食！個餐跟埋個湯同埋一個牛角包。牛角包好鬆軟，仲會好好咁整返熱佢。個湯就係忌廉薯仔湯，一啲都唔晞！我哋帶咗個蘆筍雜菌意粉，個sauce好creamy! 而且啲配菜好足料！真係可以每食一啖都會有啲菇一齊食，個sauce都好好味！另外我哋帶咗個牛扒，嗌咗七成熟。切開真係啱啱好！同埋佢啲薯條好吸引！！係粗薯條，到埋啲蒜蓉汁上去，好正！另外我哋都嗌咗啲小食，唔係特別貴，每人一件啱啱好一定要推介嘅係呢個野飲！berry奶昔！真係好香berry味。而且甜度啱啱好，真心想encore 多一杯