松記糖水店

营业中

休息中

食完維記既豬潤麵本來打算去近啲既綠林試食豆腐布甸先，點知時間太早未開門，甘就去本來計劃內既第三站。由於唔太識路，差啲誤會入左松記前少少個間三姐松記好彩我都有做準備功夫先搵返哩間。我叫左六寶湯圓，另外三位朋友叫什果水晶涼粉，楊枝金露，幻彩明珠。我地4個仲share一份榴槤班戟。六寶湯圓：湯圓有唔同餡，不過有啲齋睇個樣系唔識分，個人最中意奶黃同紅豆餡，薑水薑味好濃，幾好味。什果水晶涼粉：我第一次見透明涼粉，覺得好靚(嘻)，又黏左幾啖試下，味道都幾好。榴槤班戟：雖然就甘聞無咩味，不過食落就好濃榴槤味，材料幾足。不過我對榴槤雖不抗拒但都唔太好，所以4個人share甘食小小都ok。PS 之後有親胃氣上返哩都有陣榴槤味，去到夜晚都仲有!!幻彩明珠同楊枝金露我都無試，不過賣相幾吸引，材料都好多，而且價錢唔貴，應該值得一試。