任你點車仔麵 (已結業)

深水埗文記排唔到位都可以嚟呢間任你點食車仔麵， 起碼唔使畀啲文記阿姐串，文記其中一樣主打呢就係巨大花膠，講大呢任你點呢嚿呢分分鐘仲大過佢。揀咗兩餸另外一個餸呢就係鮑魚，咁圖片可見呢都係罐頭鮑魚仔唔係太特別。湯底嚟講叫咗蕃茄湯，可能我唔識叫，蕃茄湯同呢兩樣嘢呢就真係唔係好夾呀。不過個湯本身都幾好味，然後花膠都幾索湯。去到間舖頭賣呢原來車仔麵之外，呢仲有呢個車仔飯，可以叫淨係可以叫咁配料嘅飯，咁我就未試過啦，但係我覺得車仔麵下次有機會都可以翻兜嘅。