麵屋黑岩

营业中

休息中

耐唔耐就想食拉面，次次食都会挂住日本，好想去旅行😛蟹肉拉面$86真系有一疏疏蟹肉😍份量都唔少㗎。肉可以拣火炙叉烧或者慢煮肩肉，但系当日慢煮肩肉卖晒，我哋就只好拣叉烧。一食之下有惊喜，叉烧肉质松化，黐住少少肥膏，甘香美味。，我哋忍唔住叫多一份小食火炙叉烧$16，每人食多一块添。海老拉面$82呢个有超多樱花虾，店主好慷慨，樱花虾令到个拉面汤超级香。其实我劲钟意食虾嘅香味😋，每次见到虾汤拉面都想食，拉面挂满汤汁，真系劲好食。配菜我就拣咗椰菜，佢仲有啲木耳丝，几爽口。唐扬鱿鱼$24呢个好香口，鱿鱼须外层嘅炸粉厚度恰到好处，炸得金黄香脆，里面嘅鱿鱼须软硬适中，唔会𡁻橡筋咁。