韓日燒 (已結業)

今日同啊媽係西九龍中心shopping 左成日，啊媽見時間都唔早，廢事返到去再煮，於是我地就周圍睇下有咩岩食。咁岩見到呢間韓日燒，見佢裝修都幾靚咁，又有得食日、韓兩味，而且又唔貴，所以都入左去試試。入到去見到佢地個架上面有好多唔同嘅酒，原來佢有個架，上面有好多唔同嘅酒可以任飲，梅酒、清酒、紅酒等等。唔想飲酒嘅話有好多其他野飲，冷熱都有。入面有迴轉壽司可以任食，魚生甜蝦都有。肉同菜嘅種類都有好多，亦有好多唔同嘅熟食可以揀。想轉個食法可以拎個細鍋打邊爐。 甜品都有好多唔同選擇，除左糖水，仲有其他甜品好似涼粉，燉蛋，大菜糕等等總括黎講，百幾蚊可以食到日、韓style 嘅放題，而且又夠多選擇，值得推薦俾大家一試！