影片
更多
2022-01-02
52 浏览
呢次嚟到深水埗嘅人氣cafe迷你毛佢哋嘅環境比人感覺好舒服，用咗文青cafe嘅簡約風格裝修，座位非常寬敞，可以好舒服咁慢慢享受佢哋嘅美食。佢哋呢度每隔兩三個月就會轉菜單，所以會成日有新菜式可以試，呢次我哋就叫咗佢哋新出品嘅洋蔥壽喜燒牛肉tacos同埋長期人氣高企嘅炸雞煎蛋窩夫。洋蔥壽喜燒牛肉tacos：呢款Tacos搞合咗日本嘅味道，用咗壽喜燒所煮嘅牛肉，亦都無諗過味道會同taco咁夾，而入面仲清新嘅牛油果醬同埋惹味爽口嘅生洋蔥圈，加埋秘製醬汁，令到整體味道口感得以提升。炸雞煎蛋窩夫：呢度嘅炸雞非常出色，可以做到完美嘅皮薄肉嫩，皆因係佢哋嘅獨家嘅炸漿，先可以做到皮薄嘅感覺，唔會食到成口粉。而雞肉嘅嫩滑多汁就因為佢哋會將雞肉預先用生果醃製咗一整晚，所以啲雞食落除咗嫩滑多汁之外仲會有陣陣生果嘅清香，有效中和炸雞嘅油膩感。窩夫蛋香十足，淋埋佢哋附上嘅楓糖漿就更完美。煎蛋佢哋係完美嘅流心太陽蛋，蛋汁流落炸雞同窩夫，令到兩者都帶有濃郁生嘅蛋香味。特濃朱古力：呢杯嘅朱古力味勁濃，表面上鋪咗多款不同嘅朱古力，邪惡感十足，但其實甜度又無想像中咁甜，令人好有驚喜。波子汽水雪糕：喺一杯好靚用嚟影相一流嘅飲
呢次嚟到深水埗嘅人氣cafe迷你毛佢哋嘅環境比人感覺好舒服，用咗文青cafe嘅簡約風格裝修，座位非常寬敞，可以好舒服咁慢慢享受佢哋嘅美食。
佢哋呢度每隔兩三個月就會轉菜單，所以會成日有新菜式可以試，呢次我哋就叫咗佢哋新出品嘅洋蔥壽喜燒牛肉tacos同埋長期人氣高企嘅炸雞煎蛋窩夫。
洋蔥壽喜燒牛肉tacos：呢款Tacos搞合咗日本嘅味道，用咗壽喜燒所煮嘅牛肉，亦都無諗過味道會同taco咁夾，而入面仲清新嘅牛油果醬同埋惹味爽口嘅生洋蔥圈，加埋秘製醬汁，令到整體味道口感得以提升。
炸雞煎蛋窩夫：呢度嘅炸雞非常出色，可以做到完美嘅皮薄肉嫩，皆因係佢哋嘅獨家嘅炸漿，先可以做到皮薄嘅感覺，唔會食到成口粉。而雞肉嘅嫩滑多汁就因為佢哋會將雞肉預先用生果醃製咗一整晚，所以啲雞食落除咗嫩滑多汁之外仲會有陣陣生果嘅清香，有效中和炸雞嘅油膩感。窩夫蛋香十足，淋埋佢哋附上嘅楓糖漿就更完美。煎蛋佢哋係完美嘅流心太陽蛋，蛋汁流落炸雞同窩夫，令到兩者都帶有濃郁生嘅蛋香味。
特濃朱古力：呢杯嘅朱古力味勁濃，表面上鋪咗多款不同嘅朱古力，邪惡感十足，但其實甜度又無想像中咁甜，令人好有驚喜。
波子汽水雪糕：喺一杯好靚用嚟影相一流嘅飲品，如果想食雪糕又想飲嘢，呢杯就兩個願望都滿足到你啦！
蘋果酥盒：喺金光閃閃嘅蘋果入面原來有青蘋果粒粒，而蘋果下面嘅酥盒因為佢哋係即點即焗，所以牛油香味會特別突出，口感亦能保持酥脆，而酥盒入面仲有雲呢拿嘅Custard同埋拖肥，加埋蘋果一齊食，咁樣甜度就啱啱好，亦可以食到蘋果獨有嘅清香添。
白森林：擺盤好有心思，令到整體做到好有白色冬天嘅感覺，白色圓錐體入面原來有乳酪慕絲同埋雜莓果醬，佢哋嘅酸酸甜甜嘅味道可以有效平衡返圓錐表面嘅白朱古力，而伴碟裝飾嘅仲有香脆嘅蛋白餅，綠色草地嘅海綿蛋糕，用作樹枝嘅朱古力餅乾等等，口感味道都好豐富，可以算係又靚又好食。张贴
