新華茶餐廳

营业中

休息中

門口有個Barbie公仔做嘅蛋糕，之後上網search先知原來未有美心西餅已經有佢，可以話係最早期嘅蛋糕表表姐！內裡都係一貫舊式冰室格調，2層高，懷舊地磚。伙計都係上左年紀的，一切都好似回到上個世紀一樣。我地order左一個常餐&一個茄汁豬扒飯&沙嗲牛肉飯&凍奶茶常餐包括餐包，奄列，沙嗲牛肉麵。奄列好大份呀，蛋好厚，仲要係滑蛋，有蛋汁流出黎架，不過就略嫌多油。沙嗲牛肉麵個麵雖然唔係出前一丁，但係都好好食，佢個沙嗲汁好香口，同個麵好match不過一個常餐賣$38,好貴茄汁豬排飯，豬排好林，茄汁又唔會太甜太酸，d汁仲要係浸滿哂個飯，好食。沙嗲牛肉麵就差d啦，個汁好鹹，可能用湯做底，溝淡左個沙嗲味先岩岩好。最後係杯凍奶茶，本來以為係舊式冰室，奶茶應該無甩拖，點知好失望，得個甜字。。。。。飲左兩啖無飲了。