6
4
2
等级4
我Bookmark咗呢间「味Delicious Cafe Restaurant」餐厅好耐,但一直都搵唔到人同我食。复活节过後,朋友未使返工,特意嚟到深水埗搵我食晏,於是我就胁持咗佢陪我做勇士去试下🙈。餐厅门口带有份神秘感,唔系好睇到入面,但门口放咗两张餐枱。一入到去感觉好似K房加酒吧,颓颓嗰种,仲有啲噏耷咁...,心谂唔通真系中伏😅。但肉随砧板上,无谓唔食起身走啦。不过餐厅嘅枱櫈异常大张,即刻想叫多样嘢食。餐厅有做午市套餐,食物同饮品选择劲多,一时三刻真系几难拣。除咗拣猪/牛/羊/鸡/鱼/汉堡之外,一款肉都有得拣唔同来源地同煮法,对於选择困难症嘅人嚟讲会好苦恼🤪。另外,仲要拣嘅项目包括酱汁(十拣一)同配饭/意粉/焗薯/杂菜沙律😂。首先,打响头炮嘅系焗蒜蓉餐包加餐汤,佢用个木盘上成个感觉即刻觉得Decent咗😙。两款餐汤我哋都试哂,味道正正常常,无咩特别;罗宋汤比较稀身,但唔淡味的,仲几多蔬菜🥕,而忌廉汤就比较杰身,粟米亦都多。至於个蒜蓉包竟然非常有惊喜,连平日唔食餐包🥖嘅我都成嚿食哂。蒜蓉包烤到外脆内软,两边涂满咗满满嘅蒜蓉,加上面包本身甜甜地,好惹味🤤。午市跟餐配热饮,冻饮加$3,特
更多
33 浏览
0 赞好
0 留言
我Bookmark咗呢间「味Delicious Cafe Restaurant」餐厅好耐,但一直都搵唔到人同我食。复活节过後,朋友未使返工,特意嚟到深水埗搵我食晏,於是我就胁持咗佢陪我做勇士去试下🙈。
32 浏览
0 赞好
0 留言
餐厅门口带有份神秘感,唔系好睇到入面,但门口放咗两张餐枱。一入到去感觉好似K房加酒吧,颓颓嗰种,仲有啲噏耷咁...,心谂唔通真系中伏😅。但肉随砧板上,无谓唔食起身走啦。不过餐厅嘅枱櫈异常大张,即刻想叫多样嘢食。
104 浏览
0 赞好
0 留言
餐厅有做午市套餐,食物同饮品选择劲多,一时三刻真系几难拣。除咗拣猪/牛/羊/鸡/鱼/汉堡之外,一款肉都有得拣唔同来源地同煮法,对於选择困难症嘅人嚟讲会好苦恼🤪。另外,仲要拣嘅项目包括酱汁(十拣一)同配饭/意粉/焗薯/杂菜沙律😂。
31 浏览
0 赞好
0 留言
首先,打响头炮嘅系焗蒜蓉餐包加餐汤,佢用个木盘上成个感觉即刻觉得Decent咗😙。两款餐汤我哋都试哂,味道正正常常,无咩特别;罗宋汤比较稀身,但唔淡味的,仲几多蔬菜🥕,而忌廉汤就比较杰身,粟米亦都多。至於个蒜蓉包竟然非常有惊喜,连平日唔食餐包🥖嘅我都成嚿食哂。蒜蓉包烤到外脆内软,两边涂满咗满满嘅蒜蓉,加上面包本身甜甜地,好惹味🤤。
29 浏览
1 赞好
0 留言
午市跟餐配热饮,冻饮加$3,特饮就加$8-$15不等。我要咗热朱古力🍫,朋友就要咗热即磨咖啡☕️。两杯都劲大杯,特别系粉红色杯嘅朱古力,大到成个兜咁,朋友饮开斋啡,所以我将佢嗰杯仔奶落咗去朱古力到,变成朱古力奶,更加好饮。朋友个咖啡杯就好靓,有大大朵花花🌼。
30 浏览
0 赞好
0 留言
主菜出场喇,我哋叫咗一份牛扒同一份猪扒。本身唔知份量几多,一开始仲想嗌埋芝士焗肉酱意粉,但好彩佢嘅肉酱卖哂,就放弃咗,否则为食嘅我哋都一定食唔哂😑。唔单止只碟大,连块扒都有我块面咁大!
香煎纽西兰西冷牛扒
$68
34 浏览
0 赞好
0 留言
香煎纽西兰西冷牛扒🥩($68),配黑椒汁焗薯。上菜後发现餐厅将两块扒嘅汁调转咗,不过都无乜所谓,因为系分开上的,而且唔够的话,仲可以拎过一兜。黑椒汁味道麻麻,本身谂住同牛扒会夹。
34 浏览
0 赞好
0 留言
咁嘅价钱我无期望过块西冷牛扒🐮会有几高质素,预计都系同茶餐厅差唔多,因为餐厅亦都无问我哋要几成熟。不过出到嚟我觉得都算唔错,无论味道、肉质及脂肪分布都对得住个价钱,唔系雪到无嚟肉味嗰种,都有啲牛味,又唔韧。
Delicious吉列猪扒
$52
36 浏览
0 赞好
0 留言
Delicious吉列猪扒($52),配蜜糖芥茉酱焗薯。朋友好抗拒食炸嘢,我话包底佢先肯食😠,实物出到来又系劲大块,炸到金黄色,无乜点燶,炸皮同肉无明显分开。
29 浏览
0 赞好
0 留言
吉列猪扒🐷味道OK,不过点埋个🍯蜜糖芥茉酱就完全食到停唔到口,个酱超级好食呀,甜甜地配炸物食一流😋。另外,跟餐有得叫焗薯真系好难得,因为好多地方都系以薯条代替。🥔焗薯用锡纸包住,简单配上蛋黄沙律酱食已经好正,只要你出声,连呢个酱都有得追加。但伴碟嘅杂菜就麻麻,因为系冻的。
79 浏览
0 赞好
0 留言
估唔到由我哋落单去到食完块扒,都搞咗成个几钟🤣🤣🤣。不过的确等咗阵先有嘢食,而食物嘅份量又好多,要食好耐。午餐配有精选甜品,本身以为系咁咦得个布甸或者啫喱,点知有成七款拣!!!傻的吗?仲要款款我都想食。
伯爵茶果冻配淡奶
42 浏览
0 赞好
0 留言
最终我哋要咗(6)伯爵茶果冻配淡奶同(7)桂花牛奶布甸,个样就普普通通,无乜卖相可言,但同样系卧虎藏龙。🌿伯爵茶果冻口感极佳,完全可以用「动L」般来形容,而且茶味几清香。至於🥛桂花牛奶布甸,桂花味系融入咗喺布甸入面,而唔系额外一层糖浆。整体系几好食,但我就觉得桂花味唔算出,相反朋友就话几明显。
44 浏览
0 赞好
0 留言
服务方面,我要帮餐厅平反一下,见有几个食评都话几差。但我呢次体验又唔系喎,主要系得个後生男仔负责楼面,佢讲嘢系几大声,但好好礼貌、好尽责😊,仲有求必应,加上佢咁忙都会不停主动收碟。由於政府规定,座位需要减半,所以餐厅确系有要求食客要坐埋一边,甚至搭枱,但都无可厚非,佢都唔想。
27 浏览
0 赞好
0 留言
总括嚟讲,我会话佢系一间位於深水埗区性价比极高却毫不起眼嘅西餐厅😋,因为我好多同事都无食过,再加上个位置後咗两条街,曝光率就争好远。午餐价钱平均$5x-$6x,就咁睇属合理水平,但食完之後你会发现系超值,因为套餐包哂面包、汤、主食、饮品同甜品,仲要每样都诚意十足,💯满分推介。
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐日期
2020-04-14
用餐途径
堂食
人均消费
$60 (午餐)
推介美食
香煎纽西兰西冷牛扒
$ 68
Delicious吉列猪扒
$ 52
伯爵茶果冻配淡奶
  • 蜜糖芥茉酱
  • 焗薯