一喜燒 (已結業)

🍢位於深水埗的「一喜燒」串燒款式好多，所有都係熱辣辣即叫即燒。🔥燒雞軟骨 軟骨脆卜卜好易咬，而軟骨同肉的比例均等，加入小小鹽吊味，味道好好食。😋😋😋🔥燒金菇肥牛卷帶有焦香的肥牛包著爽口的金菇，肥牛牛味豐富肉質軟淋，連同金菇一齊食變得爽口且juicy。🔥燒年糕芝士芝士控一定要食，芝士年糕經高溫烹煮，入面的芝士更加溶化，有流心的效果，融化的芝士配埋煙UN的年糕，正。👍👍👍🔥燒潮汕馬鮫魚肉丸 辣味超香濃肉丸浸沉之中間，味道均勻。肉丸口感好爽彈，初初食覺得好辣，但食食下好似習慣了，反而覺得好好食。😋😋😋🔥燒虎皮椒從燒虎皮椒中可以睇得出師父功架好好，因為燒虎皮椒好容易燒燶，虎皮椒味道爽口帶點微辣。🔥錫紙麻辣鴨血粉絲呢個係我最鍾意的，鴨血同粉絲索哂麻辣味，好滋味!鴨血口感好Q彈而粉絲夠哂淋身，份量都唔小。