影片
更多
2020-06-22
2229 浏览
星期五又同朋友一期一會，呢日佢得閒啲所以大家就行去中心點搵嘢食。我哋喺天悦附近覓食，但好多餐廳都已經食過哂，所以決定行後兩條街睇睇👀，就見到同事推介過嘅「八川壽司」。其實餐廳個位置真係好隱蔽，附近主要係住宅同車房，行街一定唔會經過，所以我哋見到餐廳咁滿座都幾驚訝😱。留意番餐廳面積幾大，座位亦都唔少的哦，我哋坐落覺得好舒服。餐廳環境幾好，行居酒屋🏮風格之餘，又帶點工業風，另外仲好搞笑地放咗好多機械人同Figures，可能老闆鍾意啦。餐廳有做午市套餐，睇下睇下先發現餐牌係有2面，即係總共30款，傻的嗎？揀死人咩🙈，哈哈。熟食同刺身類嘅選擇都有，所以應該點都有款啱食！價錢喺呢區唔算平，介乎$48-$128，但都勉強可以接受。前菜有麵豉湯同一碟仔湯渣🤣？麵豉湯抵讚在於夠哂熱。至於隔離嗰碟就應該係前菜，但個樣似湯渣，因為有啲蘿蔔同貌似煲湯豬肉嘅牛脷，味道其實唔錯，但略嫌整體調味淡咗啲。13.角切魚生丼配稻庭湯烏冬($88)，呢個餐係我點嘅，價錢都幾貴，不過呢日開胃想食嘛，無計。首先，🍣角切魚生飯造型唔錯，魚生粒幾新鮮，角切得嚟都唔會太濕碎。另外，丼飯份量亦都唔少，食完成個餐會好飽。如果壽司飯乾身
其實餐廳個位置真係好隱蔽，附近主要係住宅同車房，行街一定唔會經過，所以我哋見到餐廳咁滿座都幾驚訝😱。留意番餐廳面積幾大，座位亦都唔少的哦，我哋坐落覺得好舒服。
餐廳環境幾好，行居酒屋🏮風格之餘，又帶點工業風，另外仲好搞笑地放咗好多機械人同Figures，可能老闆鍾意啦。
餐廳有做午市套餐，睇下睇下先發現餐牌係有2面，即係總共30款，傻的嗎？揀死人咩🙈，哈哈。熟食同刺身類嘅選擇都有，所以應該點都有款啱食！價錢喺呢區唔算平，介乎$48-$128，但都勉強可以接受。
前菜有麵豉湯同一碟仔湯渣🤣？麵豉湯抵讚在於夠哂熱。至於隔離嗰碟就應該係前菜，但個樣似湯渣，因為有啲蘿蔔同貌似煲湯豬肉嘅牛脷，味道其實唔錯，但略嫌整體調味淡咗啲。
角切魚生丼
58 浏览
1 赞好
0 留言
稻庭湯烏冬
46 浏览
0 赞好
0 留言
17.冷蕎麥麵配三色刺身($68)，呢個係我朋友點的，佢話熱到死死下☀️，要食冷麵降溫，我完全同意！三色刺身即係包括三文魚、油甘魚以及吞拿魚各一片，並以小木盤承住，幾吸引。
冷蕎麥麵
36 浏览
1 赞好
0 留言
服務方面，全部店員都好好禮貌，又會主動添茶。但上菜速度有侍改善，我個魚生丼等咗較耐時間先有得食，差啲以為漏單😅。但都係小問題，整體令人滿意。
總括嚟講，呢間隱世日式餐館確係唔錯👍，食物質素高，環境服務優良。只可惜性價比唔太高，但佢有成30款午餐揀，我都會想再嚟幫襯下試多幾款嘅😛！
张贴
