甜圓坊

营业中

休息中

琴日打完風，條街成三十幾度， 行幾步就已經熱到滴曬汗。 見到對面街有間舖頭食挫冰，即刻入去涼下冷氣。內部座位唔算闊落，勝在乾淨企理，出餐速度快。招牌迷你挫冰佢個名雖然叫迷你挫冰， 但係個份量就比我預期中大得多，同出面嘅正常份量差唔多大。 配料非常豐富 ，有九種，分別係紅豆，薏仁，綠豆仁，西米，芋圓，湯圓，地瓜圓同珍珠。挫冰係煉奶底，入口甜甜地又冰涼，消暑一流。鹽酥雞新鮮炸起， 熱辣辣 ，卜卜脆。 外皮鹹鹹地 ，內裏有少許肉汁， 唔會話好油好咸。