影片
更多
2015-11-12
1012 浏览
有同朋友收工去食晚飯，佢一路都話好想食下深宵食堂，話openrice推介評分好高，於是收工後兩個大男人就過尖沙咀食呢間深宵食堂。一入到去餐廳環境設計都好有心思，雖然餐廳燈光係暗咗啲，但勝在環境舒適，加上waiter服務都唔錯。 首先上既係飲品，我就點咗青蘋果梳打($28/一杯)，青蘋果味ok，份量都幾大杯，炎炎夏日飲返杯大大杯既青蘋果梳打真係爽 蒜片牛柳($66/一碟)牛柳入口夠嫩滑，而且一啖一粒，加上勁多蒜片，蒜香味勁濃，啱晒勁鍾意蒜頭味我 芝士蝦球($32/一碟)炸到金黃色既蝦球，一啖咬落去非常彈牙，而且芝士味好濃，而且食落覺得啲蝦肉一啲都唔霉，充滿彈性，真係拎去打乒乓波都仲得 芝麻雞翼($48/兩隻)雞翼炸得好乾身，再灑上芝麻，令雞翼香口唔油膩之餘亦充滿芝麻香味 吉列廣島蠔($48/四隻)其實本人有時好怕食吉列蠔，原因好簡單，就係炸完你睇唔出蠔本身新唔新鮮，但呢度啲蠔就隻隻size都ok，而且唔會話因為唔夠新鮮而霉或者腥，而且炸得非常乾身，碟身一滴油都無，正 汁燒白鱔($68/一串)白鱔本身肉質新鮮彈牙，而且一啲都唔吝嗇厚切上，燒完之後完美咁鎖住白鱔既肉汁，加埋燒汁
有同朋友收工去食晚飯，佢一路都話好想食下深宵食堂，話openrice推介評分好高，於是收工後兩個大男人就過尖沙咀食呢間深宵食堂。一入到去餐廳環境設計都好有心思，雖然餐廳燈光係暗咗啲，但勝在環境舒適，加上waiter服務都唔錯。
首先上既係飲品，我就點咗青蘋果梳打($28/一杯)，青蘋果味ok，份量都幾大杯，炎炎夏日飲返杯大大杯既青蘋果梳打真係爽
蒜片牛柳($66/一碟)牛柳入口夠嫩滑，而且一啖一粒，加上勁多蒜片，蒜香味勁濃，啱晒勁鍾意蒜頭味我
芝士蝦球($32/一碟)炸到金黃色既蝦球，一啖咬落去非常彈牙，而且芝士味好濃，而且食落覺得啲蝦肉一啲都唔霉，充滿彈性，真係拎去打乒乓波都仲得
芝麻雞翼($48/兩隻)雞翼炸得好乾身，再灑上芝麻，令雞翼香口唔油膩之餘亦充滿芝麻香味
吉列廣島蠔($48/四隻)其實本人有時好怕食吉列蠔，原因好簡單，就係炸完你睇唔出蠔本身新唔新鮮，但呢度啲蠔就隻隻size都ok，而且唔會話因為唔夠新鮮而霉或者腥，而且炸得非常乾身，碟身一滴油都無，正
汁燒白鱔($68/一串)白鱔本身肉質新鮮彈牙，而且一啲都唔吝嗇厚切上，燒完之後完美咁鎖住白鱔既肉汁，加埋燒汁，味覺享受一流
燒雞軟骨($28/一串)雞軟骨入口煙靭之餘仲好彈牙，唔錯
燒一口牛($68/兩串)牛肉燒得淋滑多汁，一啖一粒，食落牛口彈牙滑嫩，但又滿肉汁
總括深宵食堂嘢食嚟講真係好唔錯，係可能環境坐位有可以改善既地方，但真係值得一去
张贴
