深夜食堂 (已結業)

好耐之前同朋友一齊去睇戲，睇完戲之後覺得餓餓地想食D野，但係夜晚好多餐廳都LAST ORDER。咁我地無謂阻住人收工啦，好似好衰咁(畢竟我都係打工仔)。上網睇下有無咩餐廳收得晏D，可以食下野飲下野吹多陣水先返屋企。就發現呢間餐廳收凌晨兩點，食日式野都幾岩我地心水。所以我地就去左呢間餐廳食少少野吹吹水啦!我地叫既野食主要黎講都係輕食類，例如芝士玉子燒，軟殼蟹沙律等等。價錢黎講唔算便宜，但係味道幾好(因為我地都唔想夜麻麻食咁重口味又難消化)下次去夜街都可以黎呢間餐廳醫醫肚XD