影片
更多
2018-07-11
1946 浏览
呢晚既舊生聚會，大家決定要食中菜，而會長（讀書時代）就建議食填鴨🤤🤤🤤會長見大家都無異議，所以就book左係尖沙咀既呢間淮揚餐館呢到既地方都幾開揚，環境都唔錯！我地開左個壼 瑰荔堂煌，個茶好香，有淡淡既荔枝味，之後再慢慢慘返個玫瑰香，飲落好舒服我地嗌左兩款涼菜做餐前小食開開胃：蔥油海蜇拌黃瓜$79同雞絲粉皮$75前者爽口清新；後者粉皮爽滑,蔴醬香濃，兩者既味道都唔錯，而且份量適中，我地8個人都好足夠咁分黎食！！之後就到當晚既主角：烤北京填鴨$338，我地咁多人就梗係要全隻啦師傅會即場為我地片開填鴨，先有一小碟既“一口酥”，每隻鴨都只係得十塊左右，沾上砂糖食，入口酥香鬆化之後師傅就為鴨身開刀，呢度既配料有埋哈蜜瓜同黃梅醬，感覺比較清新，而包住填鴨既外皮薄而不透，食落有嚼勁，相當唔錯餐館依家仲做緊啲優惠，我地order左隻填鴨就會送一道菜（醬爆鴨架/芹香鴨松生菜包），我地揀左後者，味道有驚喜啵，夠鑊氣之餘又惹味，用爽翠既生菜包住黎食就可以取得平衡之後我地要左兩個超好送飯既菜式：金銀炒鱔糊 $128同風味松子魚 $238，前者鱔肉爽彈，後者魚肉炸得外酥內嫩，味道酸甜醒胃，水準甚高而唔好飯既朋
會長見大家都無異議，所以就book左係尖沙咀既呢間淮揚餐館
呢到既地方都幾開揚，環境都唔錯！
我地開左個壼 瑰荔堂煌，個茶好香，有淡淡既荔枝味，之後再慢慢慘返個玫瑰香，飲落好舒服
我地嗌左兩款涼菜做餐前小食開開胃：蔥油海蜇拌黃瓜$79同雞絲粉皮$75
前者爽口清新；後者粉皮爽滑,蔴醬香濃，兩者既味道都唔錯，而且份量適中，我地8個人都好足夠咁分黎食！！
之後就到當晚既主角：烤北京填鴨$338，我地咁多人就梗係要全隻啦
師傅會即場為我地片開填鴨，先有一小碟既“一口酥”，每隻鴨都只係得十塊左右，沾上砂糖食，入口酥香鬆化
之後師傅就為鴨身開刀，呢度既配料有埋哈蜜瓜同黃梅醬，感覺比較清新，而包住填鴨既外皮薄而不透，食落有嚼勁，相當唔錯
餐館依家仲做緊啲優惠，我地order左隻填鴨就會送一道菜（醬爆鴨架/芹香鴨松生菜包），我地揀左後者，味道有驚喜啵，夠鑊氣之餘又惹味，用爽翠既生菜包住黎食就可以取得平衡
之後我地要左兩個超好送飯既菜式：金銀炒鱔糊 $128同風味松子魚 $238，前者鱔肉爽彈，後者魚肉炸得外酥內嫩，味道酸甜醒胃，水準甚高
而唔好飯既朋友仔就order左碟上海炒年糕$88，另外都要左個清清地既開水白菜 $76黎平衡一下
最後仲每人食左碗香滑不膩既腰果露$28做甜品添
埋單個時職員仲同我地講，如果我地帶埋小朋友黎既話仲可以參加佢地個填色比賽，完成之後就會送個98蚊既兒童餐，又幾好啵，下次家聚都可以考慮下
------------------------------
食物質素：🤤🤤🤤🤤(5🤤最優)
價格水平：💰💰💰(5💰最貴)
環境裝修：✨✨✨✨(5✨最好)
服務態度：🌟🌟🌟🌟(5🌟最佳)
整體評分：❤❤❤❤❤❤❤❤(10❤滿分)
是次評論及分數視乎進餐當天的品質而訂，亦同為個人觀感：）
------------------------------
张贴
