永樂餃子店 (已結業)

星期日晚上八點，上環可選擇嘅黃店唔多，行咗幾條街，最後嚟咗呢間。呢間係老店，雖然店內裝修同格局唔似好老，不過牆上面嘅古典風孔雀圖就暴露咗小店嘅年齡秘密啦😂。叫咗八隻雞肉冬菇木耳餃，湯底揀咗花膠淮山豬骨湯，另外再加杯豆漿。豆漿先上，呷一口，唔太甜，黃豆味非常濃郁，好飲👍。呢度嘅餃子外型比較獨特，呈長條型，唔算好飽滿，但係每隻都包得好實淨。咬一啖，餃皮頗厚，唔係我喜歡嘅類型；餡料調味唔錯，木耳亦夠爽口，不過雞肉略嫌唔夠肉味。成碗餃子最出色嘅肯定係個湯底，鮮甜到不得了，齋飲湯都值回票價😆。食完呢餐，成晚都唔覺口渴，證明冇落味精，呢度又有分加🤗。