德興火鍋海鮮酒家 (已結業)

德興都食過無數次啦...無晒驚喜如果唔係無啦啦落大兩...都唔會貢入去...試過好多次..."帶子片"同"花膠仔"都叫兩輪就話賣哂....今次响門口問明至入,因為已經十一點半...點知俾個知客阿姐'o秒'...好彩有個樣似部長既...笑面迎人立刻話有有有....今晚樣樣野都好新鮮.....而且包既湯底多左幾款...好難取捨..揀左"清湯牛坑腩湯底"...淨係湯底已經有約兩碗牛腩麵既份量...而且滾兩滾已經好淋...好鬼美味"帶子片"同"花膠仔"可能真係貴...要三催四請至黎多幾碟...帶子雖然係雪藏貨...但用濃湯淥過一樣好鮮味...花膠仔係 cheap cheap 魚肚..而且已浸發...淥兩淥就 ok ,滑o都o都既骨膠原呀...正....不過其中一碟附送頭髮一條一大驚喜係雪花肥牛...都唔知好彩定係乜...咁鬼靚既...連叫兩碟都靚...入口油味香噴噴...唔 un 又唔淋...任食可以有咁既水準係好正....另外羊片、蝦丸、脆鯇、九肚魚通通都係中上之質素附送既馬碲水同酸梅湯就非常之唔掂...d 冰溶哂都未有客飲...又再加冰咁...淡如清水