火麻仁拿鐵
火麻仁細細個就鍾意飲㗎啦，佢補益津血，所以能夠「長肌肉」、「益毛髮」；生津而潤燥，估唔到可以溝埋咖啡一齊飲。味道有少少似芝麻latte。
雲泡開心果 堅果奶拿鐵
呢個堅好飲，堅果奶味重，滲返淡淡嘅開心果味出嚟。解渴就真係一流。
榛子Muffin
磨碎嘅榛子佈滿咗鬆軟嘅Muffin，香口得來又有咬口。我嚟做下午茶或者早餐就fit晒啦。
碧根果仁撻
近似杏仁嘅碧根果仁組成細細個嘅甜撻，淡淡嘅苦味平衡返糖漿嘅甜味，細細個一口一啖，餸返堅果拿鐵嘅味道就混為一體，係絕配啊。
而家買飲品再買烘焙產品只係半價咋，所以就買返個一邊食一邊飲。
