魂 (已結業)

早幾日喺太子附近收工，由於太肚餓嘅關係喺附近見到呢間拉麵店就入去

由於早幾日熱到不得了咁啱喺餐牌入邊見到佢哋有涼拌拉麵，於是就試一試

1

涼拌拉麵比起其他湯麵價錢平啲，但係配料依然都有一大塊叉燒同半隻糖心蛋，扺食！
另外佢嘅味道簡直係夏天最佳拉麵啊，醬汁好重芝麻香，而且漿料同拉麵本身一樣都係冰涼，識食落非常清爽同口感彈牙

另外叫咗佢哋一份炸雞，20幾蚊份量都唔少，而且非常熱辣辣，一定係即叫即炸，好趣口

食咗咁透心涼嘅拉麵配埋支波子汽水簡直係一流！