麻辣風雲 (已結業)

黑松露煙燻溏心蛋賣相誘人，蛋黃呈半流心狀態，未食已經聞到淡淡煙燻同黑松露香，呢個組合好夾，食完齒頰留香～花雕醉雞冇雪味，花雕酒滲透冰涼爽口嘅雞皮同幼嫩柔滑嘅雞肉當中，醇香十足，令人回味無窮🤤❤️招牌酸菜魚勁大碗，魚肉鮮美並已去骨，仲有超多配料，例如芽菜、萵筍、豆卜、寬粉等等，全部都吸晒湯汁非常惹味！辣度啱香港人口味，😋😋平時食開小辣嘅我嗌返小辣，唔會辣到流鼻水😅❤️椰汁冰椰味香濃，唔會太甜，解辣又止渴😌 黑糖脆炸糍粑做到外脆內軟嘅效果👏 質感軟糯，唔會過甜，為今餐畫上完滿嘅句號。