稻香.茶居 (淘大商場1期) (已結業)

同老人家飲茶貪佢就腳，落樓下商埸三樓稻香飲茶，唔知係咪股市同樓市都下跌關係，去到12點半成個埸只坐咗一半枱左右，依家掃安心出行方便咗，可以幫老人家嘅針卡儲埋落自己手機安心出行應用程式內，坐低後要掃 QR code 落單。叫咗兩個特價點心，上湯雲吞（12.8）雲吞係菜肉餡料，有啲 菜心墊底，味道普通，另外一個特價點心係鴛鴦掌（12.8）, 鴛鴦掌原來係鴨掌同鳳爪，醬汁好杰身，鴨掌同鳳爪炆得都夠淋同入味，唔錯。另外還叫咗以下食物：潮州粉果，有三隻但餡料同味道都一般。煎腸粉，腸粉有蝦米但煎得唔夠熱，打咗折扣。生菜魚皮餃鯪魚球，鯪魚球幾彈牙，魚皮餃就係市面買得到嘅貨色。大蝦上湯伊麵（88元）, 份量好足，蝦有8隻, size 都算大隻，蝦肉都 ok 唔會霉，三個人最終都食哂要打包拎走！