洪聖街八號冰室 (已結業)

今次入鴨脷洲搵朋友，其實之前一直未入過去，依家有機會睇吓環境，同朋友一齊食個下午茶，估唔到有素餐三文治🥪配杯紅豆冰。雞米花配台式蛋餅皮好薄，蛋餅口感唔錯，比較鬆軟。素餐蛋三文治三文治有驚喜，竟然用咗素午餐肉，另外有菜，蛋仲係半生熟，幾好喎。雲呢拿雪糕紅豆冰上面有雲呢拿雪糕，紅豆軟綿，甜度適中。總括而言唔錯，懷舊冰室，一件三文治再配紅豆冰，咁熱天氣，真係唔消暑好選擇，仲可以同朋友仔坐耐少少暢談一番。