囍筷 (已結業)

和J做完嘢行經這間小店，見到很多名校學生妹排住隊買外賣，一看之下原來是食台灣嘢的，價錢和套餐的選擇都很吸引，那就一試吧！午市套餐有A-E的選揀，由$59-$63, 包飲品(3款), 珍珠奶茶加$5,苦瓜排骨湯加$8, 學生再減$5, 超級抵!和J商量後決定堂食，雖然地方少少，但食物都是即食先可以食到食物的質素。我揀左咸水雞涼盤配滷肉飯$59~嘩！好多餸！飯盒一邊放滷肉，椰菜，煎蛋，最驚喜有一條台灣肉腸，好好味！另一邊有咸水雞，紅蘿蔔，青瓜，栗米仔，菇和椰菜，加了白芝麻，很香，很滋味！飯粒綿軟，香滑！好耐無食過咁好食嘅飯，以為是用南台特别米種，原來是大厨用了特別洗米技巧，值得一讚！排骨涼瓜湯(+$8)~熱騰騰啱啱煲起，涼瓜甘甜，一D都唔苦，排骨鬆軟，啖湯好清甜，好正！J 揀左紅燒牛肉麵$63~麵和湯分開放，食的時候才加在一起，確保麵條爽滑彈牙！牛炆得好腍好入味，加入紅蘿蔔和菜芯，有蔬菜也有肉，健康亦有營養！跟餐的冬瓜茶有淡淡的冬瓜香甜味，好正！