Bostonian Seafood & Grill

朗廷酒店呢间Bostanian 出咗名食海鲜嘅，早排见到有人IG介绍，更加令我想嚟一试！首先叫咗龙虾汤，呢度嘅份量比较少，早排去食另一间酒店嘅西餐厅龙虾汤份量相对大碗好多。不过都有龙虾肉，而且味道唔错。本身我哋谂住要一个seafood tower 加一块牛扒share ，落单嘅时候侍应话一个seafood tower 己经够3至4个人食，叫我地食完海鲜先决定要唔要加牛扒。噢，咁好啦，我哋就谂住试咗海鲜先唔够再嗌啦。呢到既seafood tower $998系得一层，落单嘅时候侍应就话今日冇生蚝，因为供应唔够，所以会其他海鲜俾多少少，听到有啲失望嘅，不过冇办法啦今日一心嚟食海鲜都照叫啦。最中间系龙虾，旁边有几只海虾， 车厘蚬，螺，蟹，扇贝。总括嚟讲海鲜都新鲜嘅，但系唔会有太大惊喜。个人最钟意就系食个龙虾，车厘蚬同埋蟹，不过冇生蚝真系争咁啲。个扇贝就比较细粒。同埋份量来讲最多都系够两个人食，如果三至四人分就会好少。个波士顿龙虾建议要热食，烤应该好食啲。食晒啲海鲜又真系饱饱地，最后都冇叫到牛扒，净系叫咗两杯嘢饮。附送饭后甜点，个蛋糕仔唔错几好食，但系其他太甜。