影片
更多
2009-09-16
162 浏览
之前一直想搵自助燒烤場 -- 要有海鮮menu因為好忙, search到呢個最接近心目中水準o既, 打咗幾次去問清楚啲menu可唔可以改就決定咗book呢度先彈一下啦:地點確係隔涉 -- 唔係人多都費事山長水遠 -- 大坑的士去到門口, 要60-70蚊, 就算去到閘口都唔知入唔入得去嗰隻...場大就夠大... 乾淨企理夠活動空間, 但冇冷氣o架... 一行近個火就汗如雨下... 冇咁捱得嗰啲唔好諗... 等秋天啦... 唯一有冷氣地方 -- 係厠所menu幫我哋咗好多海鮮, 不過種類可以再多啲... 比如我request但冇咗影o既鮑魚仔扺讚o既地方實在又真係好多:自助 -- 真係好自由, 我哋仲帶咗嘢去燒, 佢冇話唔得, 又唔會看實你, 更唔會規矩多多垃圾筒夠用 -- 呢個好緊要, 但又唔會阻定, 企企理理爐set得pro -- 一睇啲炭就知佢真係食呢行飯, 透爐極速地方夠大, 有賣點 -- 嗰度好spacious, 雖然係淡季我哋八人包場咁, 但佢真係大到呢... 可以踩單車 -- 放風箏應該唔得, 有電塔. 好多懷舊場景 (的確係片場隔嚟, 有諗頭), 大片草地, 有瓦遮頭落雨都
因為好忙, search到呢個最接近心目中水準o既, 打咗幾次去問清楚啲menu可唔可以改
就決定咗book呢度
先彈一下啦:
地點確係隔涉 -- 唔係人多都費事山長水遠 -- 大坑的士去到門口, 要60-70蚊, 就算去到閘口都唔知入唔入得去嗰隻...
場大就夠大... 乾淨企理夠活動空間, 但冇冷氣o架... 一行近個火就汗如雨下... 冇咁捱得嗰啲唔好諗... 等秋天啦... 唯一有冷氣地方 -- 係厠所
menu幫我哋咗好多海鮮, 不過種類可以再多啲... 比如我request但冇咗影o既鮑魚仔
扺讚o既地方實在又真係好多:
自助 -- 真係好自由, 我哋仲帶咗嘢去燒, 佢冇話唔得, 又唔會看實你, 更唔會規矩多多
垃圾筒夠用 -- 呢個好緊要, 但又唔會阻定, 企企理理
爐set得pro -- 一睇啲炭就知佢真係食呢行飯, 透爐極速
地方夠大, 有賣點 -- 嗰度好spacious, 雖然係淡季我哋八人包場咁, 但佢真係大到呢... 可以踩單車 -- 放風箏應該唔得, 有電塔. 好多懷舊場景 (的確係片場隔嚟, 有諗頭), 大片草地, 有瓦遮頭落雨都冇問題 (入去嗰吓狼狽少少囉); 兩邊場地中間係一個都幾大o既Bar area, 幾正喎咁diversify, 如果冬天公司function, 真係可以幾有睇頭
嘢食 -- 講真, 覺得佢收貴我之餘又多到食唔晒係冇乜point, 不過嘢食質素唔差過酒店. 條魚可以唔要啦... 嗰種魚都唔啱燒嘢食. 之但係個場既生在西貢, 海鮮真係MUST-EAT, 佢拎住個盤出嚟時大家真係亢奮, 嘩嘩叫!! 除咗牛排嫌騷之外, 其他嘢食都真材實料... 就算138嗰個menu都包你夠食(唔包海鮮). 自備酒的話冇開瓶費又可以幫你雪, 但一般嘢飲問良心都應該俾佢賺吓, 唔好山長水遠拎入去仲叫佢雪啦, 7蚊啫, 打得的入到咁遠都唔爭在, 當然價值呢家嘢因人而異
動物 -- 話明先嗰度有貓有狗有蛇蟲鼠蟻蚊, 係"特色"嚟. 狗佢未必放出嚟, 但貓係困唔住o既. 當時兩隻駐場貓貓都好有manner, 尤其其中一隻係我哋一到步就出現全程冇離開過, 好乖o架, 不過要睇住佢哋受唔住食物o既誘壞, 但佢哋behavior都超好, 愛小動物o既人更加會多咗樣調劑, 驅蚊就唔少得, 等咗幾分鐘的士就咬到傻咗
服務 -- 搵得自助就係貪一班人自己顧自己, 嗰度睇場位哥哥好friendly, 睇佢set個爐就知佢pro, 有求必應 (加上淡季啦, haha~), 齋serve我哋一組人都冇輕怠, 真係唔錯, 同埋幾風趣喎
總之大家都幾盡興. 夜走記得問佢攞電話call的士. 新界的返大坑會平啲
张贴
