緣味小聚 (LADDER Dundas) (已結業)

之前一直都有聽過有人介紹過呢一間緣味小聚！但係自己一直都冇乜機會可以過到嚟食飯，今次終於難得可以帶到男朋友過嚟呢度一齊試吓啦！呢度而家主打緊嘅係180分鐘任食海鮮蒸鍋再加埋有港式點心同埋粥底火鍋！真係好爽😄呢一度嘅粥底火鍋真係好正，粥底非常香好入味！用嚟打邊爐真係好正，而且我都好鍾意呢一度嘅牛肉，任食嘅牛肉真係食到停唔到口！好有質素，好林同埋好香嘅牛肉味！另外當然唔少得要食呢度嘅海鮮蒸鍋啦！呢一度嘅海鮮都非常新鮮，用蒸氣去煮熟就食得到海鮮嘅原汁原味，而且呢度雖然係任食但係一啲都冇偷工減料！全部食材都好新鮮好大隻！可以話係一間性價比好高嘅餐廳！