影片
更多
2021-07-05
49 浏览
呢日同兩個朋友夜晚入咗鴨脷洲西村街市嘅<蟹點>食飯，餐廳佔咗一樓全層，裝修新淨企理，又夠晒冷氣！八點未夠已經人頭湧湧，座無虛席，皆因呢到真係抵食夾大件！除咗有不同嘅海鮮供應，仲有潮州菜、泰國菜同多款小炒；食物有海量嘅選擇，好有驚喜！生蝦刺身 $108先嚟個開胃前菜，生蝦夠凍，入口彈牙鮮甜，生蝦醬汁惹味開胃，好有泰式風味！風味豬手粒 $68另一個頭盤小食，無骨豬手粒，食落啖啖肉，豬皮鬆化有彈性，麻油香味濃郁。招牌白胡椒蟹 $498嚟到蟹點又點可以唔食蟹！鐵板蟹上枱後，店員再淋上白胡椒汁，鐵板滋滋聲響，白胡椒香氣四散，色香味俱全！白胡椒微辣，十分惹味，而且甚具提鮮供效，我地三個食到舔舔脷，蟹肉多，而且肉質結實，好有鮮味！而且店員俾埋手套圍裙同食蟹工具，夠哂細心！瑤柱粟米魚肚羹 $128非常足料嘅魚肚羹，粟米爽甜，魚肚棉滑彈牙，仲有鮮味瑤柱絲，味道好有水準！虎皮尖椒炒牛柳粒 $108惹味小炒，一上枱已經聞到鑊氣！牛柳粒易咬，肉嫩冇渣。鐵板薑蔥田雞 $98田雞大大件，肉質滑溜，啖啖肉！加埋鐵板薑蔥嘅配撘，惹味香濃！食到停唔到口！椰汁西米糕 $38雖然我哋三個食咗唔少野，但依然有
除咗有不同嘅海鮮供應，仲有潮州菜、泰國菜同多款小炒；食物有海量嘅選擇，好有驚喜！
生蝦刺身 $108先嚟個開胃前菜，生蝦夠凍，入口彈牙鮮甜，生蝦醬汁惹味開胃，好有泰式風味！
風味豬手粒 $68另一個頭盤小食，無骨豬手粒，食落啖啖肉，豬皮鬆化有彈性，麻油香味濃郁。
招牌白胡椒蟹 $498嚟到蟹點又點可以唔食蟹！鐵板蟹上枱後，店員再淋上白胡椒汁，鐵板滋滋聲響，白胡椒香氣四散，色香味俱全！
白胡椒微辣，十分惹味，而且甚具提鮮供效，我地三個食到舔舔脷，蟹肉多，而且肉質結實，好有鮮味！
而且店員俾埋手套圍裙同食蟹工具，夠哂細心！
瑤柱粟米魚肚羹 $128非常足料嘅魚肚羹，粟米爽甜，魚肚棉滑彈牙，仲有鮮味瑤柱絲，味道好有水準！
虎皮尖椒炒牛柳粒 $108惹味小炒，一上枱已經聞到鑊氣！牛柳粒易咬，肉嫩冇渣。
鐵板薑蔥田雞 $98田雞大大件，肉質滑溜，啖啖肉！加埋鐵板薑蔥嘅配撘，惹味香濃！食到停唔到口！
椰汁西米糕 $38雖然我哋三個食咗唔少野，但依然有位置留返俾甜品。
椰汁西米糕清甜，啱哂我地！
飲品方面叫咗個椰青 $48、熱檸檬柚子蜜 $30、西瓜沙冰 $42。椰青大大個，好抵飲；西瓜沙冰清涼透心；柚子蜜解膩解滯一流！
张贴
