本身怕唔飽仲嗌左個小食，椒鹽鮮魷大大碟，香口惹味，如果飲酒嘅你送酒一流。
套餐。所有海鮮刺身蔬菜都好新鮮。刺身有幾款，都係平時常見嘅但相比起放題，我覺得佢係新鮮啲。
蒸海鮮方面最鍾意佢勁長斑馬賴尿蝦。啖啖肉彈牙又爽甜。呢個價錢可以食到咁大隻賴尿蝦已經超值。
仲有佢啲貝殼類都好新鮮，無沙又鮮甜。其實食晒啲海鮮已經好飽。
但係仲有個好好食嘅蟲草花蒸雞撈烏冬同埋吸收晒所有精華嘅粥。雞肉唔算滑但係好夠味同埋都幾多汁，烏冬吸收晒雞同埋蟲草嘅味道，好中式既烏冬，出乎意料地好食。
結果粥食咗兩啖就食唔晒，打包返屋企聽日慢慢食。
媽咪話今餐係大滿足。我覺得長輩一定好鍾意食呢間野因為真係大件又抵食仲要咁新鮮添。
