絆 (已結業)

鹽磚和牛海鮮盛 見到鹽磚已經覺得好吸引😌唔知係會點㗎呢。燒熱左嘅鹽磚要小心唔好掂到佢，好熱㗎🫣上面整齊咁放滿不同海鮮食材。A4和牛西冷200g、虎蝦2隻、燒鮑魚2隻、燒蠔2隻、燒帶子2隻。和牛真係好好食，脂肪比例平均，最重要牛味真係好香濃，裏面仲係粉紅色非常嫩滑口。另外帶子真係好正，好大粒所以一粒切開兩片，咬落軟滑。虎蝦🦐好大隻，中間𠝹開左，有少少鹽味滲咗落去，食落香口。炒烏冬，醬油甜甜地好好味，烏冬十分之彈牙，唔係平時超級市場食嗰啲。入面嘅豚肉絲好多，件件都幾厚身有咬口，比想像好食好多，平時唔鍾意食澱粉嘅我都食咗好多🫣仲有芝麻雞翼，標準脆口，入面熱辣辣！