豐鍋雞煲 (荔枝角道) (已結業)

同班打開機既公會朋友夜晚收工8點倒去聚會，介紹呢間新店攞個就腳既香港中間點深水埗，開頭少少驚，但原來唔近深水埗警處，安心晒，食到收鋪。每人叫左個$298海鮮餐，黎到賣相同份量都以為唔係1日份量，正常你係普通食量係食唔晒，但係質量真心高，全部都係新鮮高級料安格斯牛、黑毛豬、龍蝦、蟹、帶子、鮑魚、聖子已經值回票價，仲跟埋日本烏冬、手打丸、冬菇、菜籃。另外，店員介紹左個椰子雞煲俾我地叫埋都幾抵食，啖湯好似阿媽煲老火咁一定要試。另外，值得一提個炸響鈴係即炸裡面有芝士可以就咁食，放落個雞湯浸一下仲正，食完同班朋友打機打到收鋪店員都無炸型，老闆走黎吹水問我地意見，話近排社會環境唔好當賣大包，希望做好個口埤，蝕住做遲D先賺番，叫我地班機友介紹俾班團友，趁新張仲賣緊大包可能會再同第二班朋友試埋其他雞煲睇隔離枱都多人食想試下。