洪記海鮮酒樓

营业中

休息中

今日入咗西貢行 之前咁多次都冇係西貢食過海鮮 今次決定食埋先走 本身有朋友住西貢 問佢邊間海鮮酒家會好啲 但佢瞓著咗一路都冇覆我就盲中中咁走咗入洪記 優惠二人世界餐自選海鮮餐488蚊 有四樣海鮮 要加一仲有茶錢廿蚊位 我哋揀咗芝士 龍蝦伊麵底 白灼海生蝦 豉油皇海蝦 豉椒炒蜆 全部海鮮都夠新鮮 白灼海蝦 花肉新鮮夠實淨 配埋佢個辣豉油嚟食仲正芝士龍蝦伊麵份量夠大 龍蝦多心先唔痴殼蟹鉗夠實淨啖啖肉 芝士味唔會太隆唔會掩蓋咗海鮮嘅鮮味 豉椒炒蜆夠鑊氣 辣味足 食落無沙四樣裏面兩款都係蝦 因為我好鍾意食蝦 啲蝦鬚蝦腸都清乾淨曬 豉油皇香煎蝦碌 真係好惹味 豉油嘅味道又能夠題鮮 正雖然西貢朋友話好少西貢人會食紅記但今次食咗都滿意呀