緣味小聚 (LADDER Dundas) (已結業)

旺角主打海鮮蒸鍋餐廳不算多，價格定位在$268就可以有8款海鮮、燉湯、八寶飯以及配菜2.5小時任食，實在唔貴。我覺係值得一試，而質素並無令人失望。上菜及蒸焗的時間和次序有店員處理，放心交俾店員處理便可，等待其間飲到既燉湯好出色，湯料夠味有油香，啖啖暖入心，每位一碗。海鮮在木盤上擺得企理，唔會做得好馬虎，有幾款海鮮我都覺得蒸出來鮮味十足，包括鮑魚、蟶子同埋大帶子。任點配菜之中，我覺得蒸牛肉球最好食又過癮。親眼目睹牛肉球蒸熟至熱氣騰騰已經夠吸引，牛肉球食得出有檸檬葉、陳皮香味，絕對誠意十足。最後再黎一個八寶蒸飯，自選配料，推介鮮淮山，提昇口感之餘又減輕油膩感。