醉辣鮮 (新田購物城) (已搬遷) 新店位置

老公同我地一早入上水探亞嫲，又有朋友推介元朗新田「醉辣鮮」有粥底海鮮，上水過去大概20分鐘，所以去試下😋😋。因為我地3人，而我又好愛龍蝦，所以簡左原隻龍蝦海鮮餐同人氣龍蝦海鮮餐。甘我地每人都有半隻龍蝦食。😝😝龍蝦海鮮全部都可以自己簡自己捉，套餐既海鮮豐富，有原隻龍蝦、生蠔、肉蟹、元貝、蟶子、鮑魚、海中蝦、沙白、花甲等10款海鮮，另外仲有老火湯、溫泉蛋、蟲草蒸雞同糖水！老火湯好足料，有好大陣海底椰味，無味精。之後職員就開始幫我地放蟲草蒸雞，雞好嫩滑，跟住就加入南瓜、芋頭、豬骨同米煮粥！我地就開始自己蒸龍蝦😙，牆上貼左每款海鮮要蒸既所需時間，跟住就唔會過時overcook。龍蝦、鮑魚鮮甜又彈牙，生蠔又大隻又飽滿，好肥美，沙白花甲勁多又甜。蔬菜仲可以任食，都幾多種類而且新鮮。粥底加左甘鮮甜既精華，真係好好味！最後仲有腐竹薏米糖水添😍😍😍。