Running 燒 (已結業)

一向好鍾意食韓國野，今次約埋幾個朋友一齊食韓燒！朋友話旺角呢間running 燒放題有比較多嘅海鮮選擇，所以就揀咗呢間試試。先去揀飲品，有各式各樣嘅汽水同茶，食燒肉我會揀飲茶，可以解下膩。海鮮方面，個人比較喜歡帶子，扇貝，鮮甜爽口又大粒，加少少蒜一齊燒仲正！另外燒酒蝦都非常岀色，酒味好香濃。肉類方面，選擇都好多，而且竟然有我最愛嘅羊肉！羊脾肉好好食，嫩滑惹味，羊味好香濃。一口牛脷粒同雪花牛仔肉都唔錯。辣味五花肉醃得好好味，燒完之後香口惹味，有d似叉燒。豬皮係韓燒必食item，充滿骨膠原嘅豬皮燒過後，煙軔香口之餘又唔會太油。最後仲有甜品，我揀咗椰子味雪條，有清新椰香又唔會太甜。我地個個都食到好飽好滿足，呢個價錢都算抵食！