影片
更多
2018-10-23
433 浏览
人的幸運是找到對的人一生一世，海鮮的幸運是找到一個好廚師👨🍳把食物發揮得最好供給人類食用，這就是食物最幸福既事！呢間「海幸壽司」外表唔似食肆，內裹好日本情懷！簡單壽司bar枱 更有一張大型日式風格既枱 好有風味！係bar枱附近會見到一罐自家制既梅酒 正呀！食過一次就覺得好好味🤤之後呢間變左我午膳之選😇一坐低就會有麥茶同餣蘿蔔，好甜好多汁🤤食過幾次都試過唔同既食物，全部都係有水準既！但呢間店鋪偏向魚生會較為出色😍鮭卵丼，看似親子丼，其實以鮭魚即三文魚、蟹籽等蓋在飯上，再以碗盛裝而成的丼物。五塊三文魚平均放係壽司飯上，加上蟹籽，玉子燒，簡單的鮭卵丼！我講就禁簡單啦，三文魚切得薄薄的😔厚啲會開心啲！但係新鮮鮮甜，加上三文魚油脂🤤好鐘意既味道呀！蟹籽都好新鮮，粒粒通透，卜卜聲禁爆開，口感唔錯！飯係壽司飯，調味剛剛好！加上有玉子 ，好似好少配料但啖啖都食到有料！正！👍🏽炸豬扒稻庭烏冬，豬扒雖然唔係厚身禁炸，裹上麵包糠、蛋汁、炸粉等、炸到金黃色、切成十數舊放係你面前，好香噴噴呀！加上沙律醬，酸甜味剛好，不過豬扒偏咸，但肉汁鮮嫩，係好食既，呢個炸豬扒，我都番食過三次😍真係好正！如果烏冬有等級之分，
呢間「海幸壽司」外表唔似食肆，內裹好日本情懷！簡單壽司bar枱 更有一張大型日式風格既枱 好有風味！
係bar枱附近會見到一罐自家制既梅酒 正呀！食過一次就覺得好好味🤤之後呢間變左我午膳之選😇一坐低就會有麥茶同餣蘿蔔，好甜好多汁🤤
食過幾次都試過唔同既食物，全部都係有水準既！但呢間店鋪偏向魚生會較為出色😍
鮭卵丼，看似親子丼，其實以鮭魚即三文魚、蟹籽等蓋在飯上，再以碗盛裝而成的丼物。五塊三文魚平均放係壽司飯上，加上蟹籽，玉子燒，簡單的鮭卵丼！我講就禁簡單啦，三文魚切得薄薄的😔厚啲會開心啲！但係新鮮鮮甜，加上三文魚油脂🤤好鐘意既味道呀！蟹籽都好新鮮，粒粒通透，卜卜聲禁爆開，口感唔錯！飯係壽司飯，調味剛剛好！加上有玉子 ，好似好少配料但啖啖都食到有料！正！👍🏽
炸豬扒稻庭烏冬，豬扒雖然唔係厚身禁炸，裹上麵包糠、蛋汁、炸粉等、炸到金黃色、切成十數舊放係你面前，好香噴噴呀！加上沙律醬，酸甜味剛好，不過豬扒偏咸，但肉汁鮮嫩，係好食既，呢個炸豬扒，我都番食過三次😍真係好正！
如果烏冬有等級之分，巑岐烏冬係平常人家所食；稻庭烏冬則只有藩主、天皇等所可享用，可看出分別來！稻庭烏冬煮得剛好，不太過不太生，有口感，湯底係鮮魚湯，超鮮甜！
豬軟骨定食，配上茶碗蒸、麵鼓湯、白飯。豬軟骨份量係非常多！三大舊既肉，店員一放低，係比個量嚇親😨點食呀！講下肉質，驚喜呀！超軟淋，醬汁完全滲入哂豬肉，唔咸唔淡，加上有預辣椒🌶️微辣令整碟豬軟骨更添風味！要令豬軟骨禁腍軟入味，點整我就唔識，但一定花了唔少時間！份量多到可以同朋友開心share
鯖魚定食，包茶碗蒸、麵鼓湯、白飯。鯖魚配上蘿蔔蓉、醬汁、檸角。講下重點先-鯖魚，由於燒過唔會令條魚腥，鮮甜！無有魚味既，可以係燒過關係，較為偏乾。而且師傅起左骨，完全可以食哂成條魚！對於唔識食魚既人係好正既事😂
茶碗蒸，即日本蒸蛋。其實只是用茶杯作為容器，茶碗蒸製作與中式蒸蛋好似，配料一般有香菇、白果、魚板、雞肉、蝦等，使用日式上湯及味醂調味。呢間因為茶碗蒸係跟餐，當然唔會禁多料啦！就只有香菇，個蛋好滑好有蛋味，好好味！
整體黎講，呢間日本餐廳既水準確係唔錯，而且水準好穩定，唔會一時難食一時好食禁偏差，只有白飯，有時爛有時偏乾偏，係呢種較為唔好之後，其他都好！
環境，坐得舒服，每個座位都有cushion 禁墊住坐，唔洗坐木板禁辛苦！成個感覺都好日式
食物，水準好高！完全發揮到食物本身的味道，師傅做得太好味啦！仲好新鮮🤤
抵食，食物同價錢成正比，雖然有啲位可以做的更好，例如三文魚可以厚啲禁
衛生，食過禁多次都未見有衛生問題！食物餐具等都係乾淨既！
服務，幾好！有時吹水耐左，店員都會不斷替我們加水，並無不耐煩喔👍🏽
张贴
