本佐日本燒肉料理 (已結業)

為新一年當然繼續keep住食為目標。今次約左大胃王朋友，最啱緊係食放題啦，唔洗就住食嘛！因為就我放工所以搵左喺赫德道H8呢間日本放題，重點係有海鮮燒肉任食。店內係卡位居多，仲有室內既，而我地就坐吧檯，位子都唔迫。店員先遞上平板電腦，介紹點菜程序~ 食物種類有刺身、燒肉、海鮮、壽司、野菜、小食、炸物，包一罐飲品。未點好餐已先送上燒肉拼盤，可以邊燒邊點~刺身夠新鮮，當然少不了甜蝦、帶子。火炙和牛壽司充滿牛香!肉類選擇頗多~熊本一口和牛、安格斯牛柳粒、安格斯牛仔骨是必點的，燒香加點海鹽，牛味濃郁。　伊利比亞橡果一口豬、日本黑豚裡肌肉，肉質細嫩多汁，豬肉味濃郁。黑豚五花肉脂肪位置特別香，仲可以點生菜包住食。另外有唔同口味醃製，例如黑豚肉會以日式醬油、紅酒洋蔥調味，仲有漬壺牛柳條 。日本櫻姬雞腿肉，嫩滑juicy~海鮮係我地最期待的!廣島蠔牛油燒、三文魚頭、龍脷柳、蜆都放喺小兜內，方便燒唔怕燒燶，仲可以加埋蒜蓉一齊燒真係好香好惹味!燒鯖魚香烤兩面有，滴上檸檬汁，唔腥但有魚油香~佐酒小食既雞泡魚乾都可以燒，燒到軟身轉金黃色就可以食，味醂甜味突出。