芭堤雅小廚

营业中

休息中

放工之後想放鬆下，諗住入大美督都幾舒服，就入去散下步順便食晚飯。去到諗住食泰國菜，諗到唔諗就入左呢間。平日嘅晚上真係唔多人，餐廳好寧靜，完全係傾計嘅好地方。我地總共叫左三樣野，泰式海鮮炒飯（$78）泰式炒飯淨係賣相都有驚喜，炒飯仲要粒粒金分明，材料仲好足，炒得真係好香好味。至於其他就仲有芭提雅拼盤（小）（$138）個人認為佢嘅蝦餅同春卷都唔錯，夠味同熱辣辣。我地仲叫左冬蔭公湯（小）（$88）冬蔭公湯好足料，叫左個細嘅一齊分岩岩好，味道都唔錯，係正宗嘅。