餐廳環境舒適闊落, 冷氣好足, 全程打邊爐都唔覺焗促。醬料區乾淨, 款式多。
1
晚市有三款海鮮套餐, 每位價錢由HK$238起, 我地揀咗HK$338/位「至尊海鮮套餐B」, 店員告知套餐中所包含嘅刺身本由日本入口, 但目前已暫停入貨, 改以「壓力蠔」取代。
1
壓力蠔:
將原隻未開嘅生蠔放入壓力煲中蒸煮, 再由店員協助開蠔, 可以完全保留住原有蠔嘅鮮味同海水味, 生蠔肥美鮮甜, 只為8成左右熟, 口感頗為滑溜, 蒸煮時間掌握不錯。
套餐跟指定火鍋湯底,
揀咗個幾特別嘅潮式鹵水湯鍋, 其中嘅八角香味較為突出。鹵水湯底唔會太重口味, 完全冇覆蓋海鮮本身鮮味。
隨後整個波士頓龍蝦海鮮盤一共十款, 以冰墊底上檯。
包括了鮮甜爽口彈牙嘅波士頓龍蝦 、鮮活鮑魚、蟶子王、大元貝,
而當中六款廚師發辦海鮮: 青口、白鱔片、沙白、花蛤、馬刀貝、基圍蝦。
沙白、花蛤鮮甜冇沙; 白鱔片爽彈有鮮味。
基圍蝦雖然有竹簽串住, 但蝦腳仍生猛郁動, 非常新鮮!
部份火鍋配料都設有套餐優惠價追加:
【手切牛肉】HK$138
每片牛肉脂肪比例各佔半, 肉味超濃郁, 食起黎有嚼勁。
【雲吞王】HK$55
每粒雲吞中, 豬肉餡料中都有原隻大蝦, 鮮甜爽口, 非常足料!
【粟米】HK$38
雖然算不上清甜多汁, 不過配鹵水湯底, 又出奇地夾。
【特大杯熊仔檸檬茶】HK$28
實物真係超大杯!! 熊仔冰置頂, 啱哂打卡之餘, 熱辣辣打邊爐邊飲, perfect!
【竹蔗茅根汁】HK$10
餐廳自家製, 味道清新清甜, 啱哂打邊爐清熱解膩。
