大排檔火鍋

营业中

休息中

砵蘭街多好嘢食就係人都知，但好似呢間咁做曬火鍋同小菜嘅，又好似唔係好多，所以就嚟試吓鋪頭唔算好大，個格局都幾新淨光猛，出面都有生猛海鮮今日唔算太肚餓，就試吓佢啲小菜先叫咗一客「黃金蝦」，望落好似唔係好大碟咁，但食落都有十幾廿隻蝦，而且隻隻都漲卜卜，炸得好金黃香脆，配埋鹹蛋碎更正，當然都要快啲食啦，先夠香脆！之後叫咗一份「啫啫雞煲」（$138），一上枱熱辣辣出曬煙，就係要呢啲！雞煲都有好多配料，有洋蔥、大蔥等等，十分惹味，雞件都好嫩滑，個汁唔算好濃，有種蠔油豉汁嘅香味，同埋佢有幾塊雞膶伴住，身為內臟控嘅我就幾鍾意喇！最後叫咗一客「大排檔炒飯」（$108），炒飯有鹹菜、豬肚同橄欖菜，鹹香十分突出，加埋好有鑊氣，令人忍唔住一啖接一啖食，我個人好喜歡食欖菜果陣菜香！而且個飯份量都好足，三個人食都OK！我哋加咗少少辣椒油嚟食，就更加惹味！小菜幾好，下次可以試埋火鍋。