La Postre (永樂街) (已結業)

今晚同朋友慶祝生日，朋友比較特別，只食海鮮不食其他肉類，諗起之前去過La Postre 西班牙餐廳主要食海鮮，見到上環都有分店就去試下。環境裝修幾靚，又有卡位座，都坐得幾舒服。朋友生日就梗係比佢點菜啦，點之二話不說就點左個Seafood Hot Pot，呢個真係好豐富，虎蝦、帶子、蟹鉗、蜆同螺肉，湯底有兩個選擇：香辣啤酒湯/番茄忌廉啤酒湯。首先將唔同嘅海鮮放入湯裏面滾，海鮮新鮮鮮甜，特別係虎蝦，一放落去滾完啲湯就好香，一打開蓋就聞到，再配上個好好味嘅醬一齊食正😋，最後就飲埋啲湯，又香又鮮甜又好味👍。另一個係芝士煎蟹餅，蛋餅裡面有蟹肉，賣相好靚，熱辣辣上抬，配上芝士木魚絲個味道好夾。另外甜品係抹茶麻薯窩夫，窩夫裏面係抺茶餡料，加上綠茶雪糕一齊食，甜度剛剛好，另配有幾種唔同嘅醬，我最鍾意就係紅豆。另外叫咗仲夏水果茶，同鮮雜果莫希托，啲生果仲可以食埋，我朋友一口已經飲左一半，連相都影唔切🤣