阿爺八鮮鍋 (已結業)

見自己有一輪冇食雞煲同埋打邊爐，今日就約埋朋友去咗阿爺八鮮鍋嘆番下。坐低先飲足料蟲草花燉湯，飲得出燉咗好耐而且絕對係足料老火湯。跟住嚟刺身拼盤及惹味花膠年糕雞煲。刺身拼盤種類多而且每樣都超新鮮，我自己鍾意龍蝦及象拔蚌刺身，諗起都舐舐脷，喜歡食刺身嘅朋友絕對唔可以錯過。雞煲就超惹味多汁，花膠索曬啲精華特別好味，雞件都好嫩滑完全唔肥。跟住就有海鮮火鍋拼盤，上面有龍蝦、鮑魚、扇貝，見到隻龍蝦仲喐好新鮮，鮑魚亦都係，而且龍蝦好多龍蝦膏， 鮮美濃沃。而火鍋湯底係魚翅雞湯，湯底都特別矜貴。同埋呢度有好多生猛海鮮 無限供應，鮑魚、蟶子皇、海中蝦、鱔片、帶子、花膠、生蠔、脆鯇魚腩等等…… 仲有新鮮肥牛及各種牛、雞、豬肉類及蔬菜，丸類都有，又係好滿足嘅一餐。