海鍋手工涮涮鍋 (已結業)

約咗幾個好朋友你尖沙咀打邊爐，大家一齊烚吓烚吓，上到嚟見到地方都好闊落，周圍都好光猛同乾淨，坐低同朋友一齊研究食乜，本身仲諗住散叫，店員見我哋唔知點叫好，就提議我哋叫套餐，另外仲有六款可以自選，我哋見到好似包羅萬有而且好多海鮮，就唔使諗叫咗套餐啦！我哋加錢要咗鴛鴦湯底，一面麻辣，一面龍蝦湯底，另外叫多咗碟三文魚刺身！過咗無耐，店員就放低九宮格調味料，鍾意食蒜嘅啱晒，炸蒜同新鮮蒜頭香到不得了！混完醬，三文魚刺身已經到啦，一嚟見到係厚切而且好新鮮，一咬落口，魚油爆曬出嚟，真係好好食！跟住就上套餐個盆海鮮，我哋個個見到都嘩嘩聲，鍾意食海鮮嘅我真係太興奮！有蜆，有蟹，有龍蝦，象拔蚌，鮑魚，帶子，仲要全部都好新鮮！另外仲有一大碟靚牛，真係太抵食！！我哋另外自選咗豬潤，農家雞，竹笙，手打鵝肝丸，手打墨魚丸，貴妃卷，不得不提呢度啲手打丸好好食，口感煙un，用料又足！今餐食得好開心好滿足！真係啱晒一班朋友來聚會！一定會再嚟食！