千賀水產 (已結業)

之前見元朗放題又改名，今次多咗磯燒海鮮，一行4人去試放題+燒海鮮慶生日，一坐低已經送上一盤海鮮，有生蠔、鮮鮑、花甲，扇貝，串燒蝦頗新鮮，仲有服務員幫你燒埋幾好服務，但唯獨貴妃蚌勁多沙...小小伏。至於放題刺身新鮮，壽司卷物熱食都好味，上菜速度快無漏單，又有飲品甜品蛋糕雪糕雪條沙律前菜生果响雪櫃任攞，值回票價！但如果唔喜歡海鮮，就唔抵啦！我地係星期五晚7點入座，每位288元另再加一，即每人316元/位。