蟹仙海鮮蒸氣鍋 (仁愛街) (已結業)

平時都唔寫食評嘅我忍唔住了！ 😆我哋4個海鮮控，揀咗尊貴海鮮套餐，有成九款海鮮！ 重點係好好服務，有專人一邊介紹d海鮮，一邊幫你整熟佢地，唔怕overcook 咬唔開，店員控制整海鮮嘅時間控制得好好，個鐘一響，蒸籠一開，啱啱好就見到啲貝殼嚟打開個殼😂😂😂😂😂時間啱啱好！個人最鍾意食嘅係琵琶龍蝦🦞同饅頭蟹，鮮甜到爆燈，蟹膏又香又多！仲有佢啲牛肉又係出色，易咬口又勁重牛味。最後再食埋用海鮮精華淆成嘅粥，簡直係大滿「粥」😂！飽到傻，之後仲要送埋椰汁燕窩！摸住個肚行出門口。對於一個芫荽控嚟講，開始食之前見到有芫荽，差唔多落晒人哋啲芫荽甘濟再加少少豉油，到最後發現根本唔需要豉油！😭下次再去食嗰陣時都係直接唔落豉油算。