緣味小聚 (93WYS) (已改名) 查看

今日係我第一次去到呢一間緣味小聚食晚飯，一入到去嘅時候，呢間餐廳嘅氣氛已經非常之有懷舊風味！而且有我最鍾意食嘅海鮮蒸鍋😍😍而且重點嘅係呢度大部份嘅海鮮都係任食！！真係諗起就已經覺得好爽！！最先出場嘅就係呢個印尼琵琶蝦，超級大隻嘅琵琶蝦，蒸熟左之後顏色非常靚，賣相好好！而且重點嘅係呢個琵琶蝦嘅肉質非常有彈性，而且非常鮮甜！黑頭為之仲有少少蝦膏，食落去好爽！仲有韓國大鮑魚，呢隻鮑魚超級大隻，而且鮮甜同埋好彈牙！我自己都另外再叫多咗幾隻！😍😍當然唔少得蘇格蘭蟶子，聖子真係超級大隻，而且蒸鍋整完之後，一啲都冇縮水！加咗少少豉油一齊食，真係超正！❤️