阿爺八鮮鍋 (已結業)

呢間之前已經試過火鍋外送，覺得海鮮好食又新鮮，其他配料味道都好好，所以今次專程到店試下火鍋任食。首先送上水果拼盤和是日精選燉湯。時令刺身拼盤有海膽、三文魚、油甘魚和牡丹蝦。海膽只要like同share阿爺社交平台就有得送。花膠雞煲，加熱後好有鑊氣，雞同花膠都好惹味，食完雞煲會轉湯底火鍋，唔係雞煲直接加湯。本身預設海鮮拼盤包括龍蝦、鮑魚、帶子、賴尿蝦、花蟹和海蝦。最鍾意食龍蝦，因為好大隻而且有膏，好正！除左龍蝦外，其他海鮮係可以任食，全部好新鮮，花蟹仲係原隻上，活生生仲郁緊。仲有其他火鍋配料、甜品同飲品都可以任飲任食。推介安格斯牛肉，油脂分佈好平均，牛味超濃郁，一次過可以KO幾碟。值得一讚就係店員會主動同你換碟，而點選左嘅食物上菜速度亦好快，總括來講三百幾蚊就有海鮮任食，性價比非常高，鍾意食海鮮嘅朋友一定可以回本！