今晚同朋友黎咗個超豪華海鮮聚餐，全程用粥底蒸海鮮，原汁原味鮮到彈起！
💎 秘製原隻南非乾鮑
鮑魚size大到嚇親！炆得軟淋入味，咬落去仲有少少溏心感覺，個秘製醬汁鹹甜適中，連墊底嘅冬菇都索晒精華，正到暈！
🦐 加拿大野生海虎蝦
手掌咁大隻嘅海虎蝦，蒸完之後蝦殼爆裂，蝦肉爽脆彈牙到不得了！最誇張係蝦頭爆膏，鮮甜到連手指都啜埋！
🐚 雙重貝類盛宴
· 大西洋野生青口：隻隻肥美無沙，海水味超濃
· 黃金翡翠螺：螺肉鮮甜爽口，用竹籤一挑就成舊出嚟
· 韓國釜山蠔：蠔身飽滿creamy，蒸完都唔會縮水
🦀 野生膏仔蟹
揭開蟹蓋見到成肚橙紅色蟹膏，甘香豐腴！蟹肉鮮甜到不得了，連蟹腳都爆膏，真心無得頂！
🦞 澳洲青年龍蝦
龍蝦肉蒸得剛剛熟，肉質結實彈牙，龍蝦膏多到漏油，鮮味係口腔入面停留咗成分鐘！
🍲 粥底精華
最正係最後個粥底！吸盡所有海鮮精華，唔使落調味都鮮甜到不得了，每人食咗三碗都仲想encore！
4
1
