流落民間 (已結業)

4個人叫左個大既海鮮拼盤，一上枱大家都好驚喜，有龍蝦，麵包蟹，長腳蟹，螺啦蝦啦車厘蜆，唔知有無數漏，傾開計原來個廚之前係銅鑼灣le marron主廚架，唔怪得個seafood mountain咁似曾相識啦，好正好新鮮好甜，d蝦仲係西貢入貨包新鮮，呢個必食。佢有手工啤賣仲可以byob都係30蚊，西貢市區呢點已經好吸引。我叫左個青瓜荔枝mocktail, 俾我食晒d青瓜肉，佢係中碎左d青瓜，食落卜卜脆唔停口。再來叫左法國手工菜油浸鴨，用鴨油浸足幾日再煎，皮夠脆肉質估唔到咁鬆化唔油膩喎。仲叫左牛扒啦，五成熟好juicy好味。甜品最愛apple crumble,好香牛油味唔太甜，仲有creme brulee，個焦糖面用匙一敲落去果下好清脆，仲見到粒粒雲呢嗱籽真材實料。朋友叫左個香蕉卷，我唔食香蕉唔知咩味，不過朋友就清左碟。食物質素高食材新鮮，服務抵讚細心，不停換碟，食甜品果陣仲俾杯凍水你，會再去幫襯。