燚火鍋專門店 (已結業)

九龍城食打邊爐都係第一次，真係令人喜出望外呀！要食的朋友就要訂枱啦，因為呢度枱唔多，所以唔酒樓咁嘈，大班朋友黎就訂枱穩陣！今晚試椰子雞，用新鮮雞去煲，好鮮雞味，夠滑身，有馬蹄，但椰子味不算濃。另外，見到季節限定的海鮮拼盤都會想試一試，真係一試難忘！眼見師傅撈隻生猛龍蝦上黎，仲有跳下跳下的大隻海蝦，都知好新鮮，龍蝦落到湯仲識郁，好多膏，肉好爽，好鮮甜，海蝦都好爽，海味濃，聖子好大隻，又鮮甜，鮑魚都大隻，新鮮，只是蠔相比下無咁好味！誠意推介：花雕手切牛肉，花雕味好香，手切的肉用頸位，特別嫩口，食得到是貴價肉。手打五寶丸都係正，超彈牙，牛丸好重肉味有隻係黑松露墨丸，好香，好特別！