影片
更多
2007-05-09
29 浏览
一大班新舊朋友很久沒見﹐約了在銖記大擦一餐﹐不過大家太高興都掛住食﹐忘記了影相。一行13 人點了無數的菜式(其中包括多碟海鮮﹐而且其他菜都是加大了﹐不是例牌的﹐所以吃得很飽)﹐最後才$3000 落樓﹐實在很抵食。到達時有5﹑6 個friends 已經在吃小食(大家放工已經太肚餓喇)﹐個炸蝦餅好彈牙﹐點自家帶來的臺式辣醬﹐非常好味道。鹽水雞腳雖然好味﹐不過就太淋了﹐冇來口感。因應大家要求﹐我們一早已經定了這裡出名的雞鮑翅和風沙雞一隻。雞鮑翅是鍋上的﹐有人幫我們分好﹐每人都有大半碗﹐而且魚翅的份量也不少。這個保持水準﹐雞湯仍然清甜﹐魚翅是一梳梳的﹐淋得來有少少彈牙﹐是我喜歡的口感。風沙雞就認真麻麻﹐雞冇雞味都算了﹐連上面的蒜茸都冇味就太不知所謂了﹗海鮮方便我們點了﹕芝士大蝦焗伊麵- 好大碟﹐差不多有20 隻大蝦。d 蝦肉都算彈牙又有蝦膏﹐不過d 肉冇乜味﹐可能是雪藏蝦。不過加埋芝士焗都幾香﹐但d 伊麵就過淋﹐大家都吃了一啖就停晒口。陳皮蒸鮑魚仔- 每人一隻﹐d 鮑魚一d 都唔細﹐上碟時都仲有兩個$5 銀咁大﹐味道和口感都一流﹐可以一試。花蟹賽傍蟹- 其實是朋友們點的﹐不知叫什麼名字﹐不過就
到達時有5﹑6 個friends 已經在吃小食(大家放工已經太肚餓喇)﹐個炸蝦餅好彈牙﹐點自家帶來的臺式辣醬﹐非常好味道。鹽水雞腳雖然好味﹐不過就太淋了﹐冇來口感。
因應大家要求﹐我們一早已經定了這裡出名的雞鮑翅和風沙雞一隻。雞鮑翅是鍋上的﹐有人幫我們分好﹐每人都有大半碗﹐而且魚翅的份量也不少。這個保持水準﹐雞湯仍然清甜﹐魚翅是一梳梳的﹐淋得來有少少彈牙﹐是我喜歡的口感。風沙雞就認真麻麻﹐雞冇雞味都算了﹐連上面的蒜茸都冇味就太不知所謂了﹗
海鮮方便我們點了﹕
芝士大蝦焗伊麵- 好大碟﹐差不多有20 隻大蝦。d 蝦肉都算彈牙又有蝦膏﹐不過d 肉冇乜味﹐可能是雪藏蝦。不過加埋芝士焗都幾香﹐但d 伊麵就過淋﹐大家都吃了一啖就停晒口。
陳皮蒸鮑魚仔- 每人一隻﹐d 鮑魚一d 都唔細﹐上碟時都仲有兩個$5 銀咁大﹐味道和口感都一流﹐可以一試。
花蟹賽傍蟹- 其實是朋友們點的﹐不知叫什麼名字﹐不過就是凍話蟹兩隻﹐嶄件圍碟邊﹐中間是賽傍蟹。吃了一隻蟹鉗﹐d 肉都幾實幾甜﹐我見個蟹蓋都好多膏﹐好靚咁﹐不過飽得濟﹐冇食到。
豉椒炒聖子- d 聖子好大隻﹐炒得都爽口﹐唔會韌﹐不過又係冇乜鮮味。
缽仔焗生蠔- 當然是大大隻的蠔啦﹗本來想和別人分享的﹐不過他不小心放了進我的碗﹐我又少少唔舒服﹐怕傳染人喇﹐就借意獨食囉。雖然鹹了點﹐不過都好惹味﹐隻蠔又creamy 又鮮味﹐好開心呀。
酥炸生蠔- 又是好大隻的蠔﹗平時我好怕大隻的蠔﹐不過炸過又幾好食﹐不過我只吃了半隻﹐因為之前已吃了一隻大的缽仔焗蠔﹐好膩呢。
吃完這些其實已經好飽﹐再來的小菜有點食而不知其味。只記得黑椒牛柳粒的黑椒味好重﹐蓋過了牛肉味。我們點小棠菜﹐那夥計不知提議了什麼﹐我們又因太吵﹐聽不清楚﹐大家都點頭﹐怎知想吃點菜的我們換來的是鍋貼小棠菜﹐一點菜都沒有。不過幸好都炸得幾香脆﹐算吧。明太子釀冬菇﹐這個普通﹐不過那蝦膠居然幾鮮喎﹐有點出乎意料之外呢。好彩呢碟有好多小棠菜伴碟﹐補數啦。其他還是兩三個小菜﹐不過不記得喇。總之這裡是味道普通但抵食之地﹐大班朋友聚會要吃魚翅海鮮等﹐我相信還是會再來的。
這裡當然不會有什麼甜品喇﹐所以又要走下場咯﹗
张贴